Comunicáu d'UNA-Mocedá en valoración de la convocatoria xunitaria del 8 setiembre

UNA-Mocedá valora positivamente los actos de Xixón pal 8 setiembre

Les mocedaes d'Unidá Nacionalista Asturiana (UNA) valoramos como perpositives les aiciones entamaes y desendolcaes en Xixón como amuesa y primeros ñicios que dende la esquierda asturianista tán dándose pasos firmes pa encadarmar una rempuesta alternativa a los gobiernos que carez Asturies.

Belarmino D. Álvarez, como voceru nacional d'UNA-Mocedá, treslladó l'entusiasmu col que les mocedaes nacionalistes ven los pasos daos nel camín l'aición conxunta y valoró "positivamente los actos de refugu al gobiernu antiasturianu que carecemos", afirmó. Dende la organización considérase qu' "agora ábrese un ciclu políticu nuevu nel que los asturianos nun tenemos nada que celebrar y sí muncho que bregar y reivindicar. La rempuesta nun pue quedar equí, sinón que tien que siguir encadarmándose un discursu alternativu onse se torne l'esfarrape medioambiental, la precariedá llaboral, la emigación masiva de la mocedá y l'arrequexamientu de les nueses señes d'identidá coleutives".

Pa les mocedaes, la única posible rempuesta "tien de venir articulada dende l'asturianismu d'esquierdes que, col so discursu, seya quien a amestar a los movimientos ecoloxistes, sindicales, xuveniles y estudiantiles nel trabayu a comuña por una Asturies meyor, qu'amás de necesaria, ta amosándose nos actos d'esta triba, que tamién ye posible", solliñó.